Daily witness

अजित पवारांच्या बंडानंतर राष्ट्रवादी काँग्रेसला पडलेले भगदाड बुजवताना शरद पवारांची चांगलीच दमछाक होताना दिसत आहे पण शरद पवार हे सध्या देशातले सगळ्यात मुरब्बी राजकारणी म्हणून ओळखले जातात. तेव्हा अशी अनेक बंड याआधी शरद पवारांनी पचवली आहेत. अजित पवारांचे बंड मोडून काढण्यासाठी शरद पवार मैदानात उतरले आहेत. त्यांचा प्लॅन काय आहे? पवार पुन्हा राष्ट्रवादी कशी उभी करणार आणि शरद पवारांची नवी खेळी काय असणार? हे सगळं जाणून घेऊया. अजित पवारांच्या बंडानंतर झालेल्या पत्रकार पऱिषदेत शरद पवारांनी एक प्रश्न विचारण्यात आला. राष्ट्रवादी काँग्रेसचा आश्वासक चेहरा कोणता? शरद पवारांनी क्षणाचाही विलंब न लावता एका सेकंदात उत्तर दिलं शरद पवार. तेव्हा शरद पवार हेच राष्ट्रवादीचा चेहरा असले तरी राष्ट्रवादी पुन्हा उभी करण्यासाठी पवारांनी कंबर कसली आहे. तीन टप्प्यात शरद पवार हे राष्ट्रवादी पुन्हा उभी करण्यासाठी प्रयत्न करत आहेत. पहिला प्लॅन आहे पक्षविस्तार राज्यातल्या महत्वाच्या जिल्ह्यात आणि तालुक्यात सभा घेऊन पक्ष बांधणी करणार. राष्ट्रवादीची ताकद ज्या जिल्ह्यात आहे तिथे स्थानिक पदाधिकाऱ्यां...

"आपण धंदा करायला बसलोय का?; कलेक्टर १०० रुपयांत अन् तलाठी पदासाठी ९०० रु" :रोहित पवार

रा ज्य सरकारचं पावसाळी अधिवेशन सुरू असून महायुती सरकारचे तीन पक्ष सत्तेत आहेत. राष्ट्रवादीतील फुटीनंतरचं हे पहिलंच अधिवेशन असून उपमुख्यमंत्रीपदी अजित पवार आहेत. तर, विरोधी पक्षांच्या गटातील आमदार म्हणून रोहित पवार खिंड लढवत आहेत. आमदार रोहित पवार यांनी यंदाच्या अधिवेशनात अनेक मुद्द्यांवर लक्षवेधी आणि प्रश्न विचारले आहेत. त्यामध्ये, तलाठी भरतीचा मुद्दा त्यांनी काही दिवसांपूर्वी उपस्थित केला होता. तसेच, भरतीच्या प्रक्रियेला मुदतवाढ देण्याची मागणीही त्यांनी केली होती. आता, आमदार पवार यांनी तलाठी भरतीसाठी आकारण्यात आलेल्या फी वरुन संताप व्यक्त केला आहे. राज्यात काही वर्षांपासून प्रतिक्षेत असलेल्या भरती प्रकियेला सुरूवात झाली असून भूमी अभिलेख विभागामार्फत तलाठी पदांसाठी ४६४४ जागांवर भरती निघाली आहे. या भरतीसाठी सोमवारपर्यंत दहा लाखांवर अर्ज प्राप्त झाले आहेत. अर्ज भरण्याची अंतिम तारीख १७ जुलै होती, पण शासनाने ती एक दिवस वाढवून भरती प्रकियेत असलेल्या उमदेवारांना दिलासा दिला होता. त्यानुसार, १८ जुलैपर्यंत ही डेडलाईन ठेवण्यात आली होती. या परीक्षेसाठी आकारण्यात येणारे शुल्क हे तब्बल...

'चिन्ह राहिलं नाही तरी…', निवडणूक आयोगाच्या नोटीशीनंतर घड्याळ चिन्हाबाबत रोहित पवाराचं मोठं वक्तव्य

राष्ट्रवादीचे नेते अजित पवार यांच्यासह काही आमदारांनी शिंदे-फडणवीस सरकारला पाठिंबा देत मंत्रीपदाची शपथ घेतली आहे. त्यामुळे राष्ट्रवादी काँग्रेसमध्ये मोठी फूट पडली. यानंतर राष्ट्रवादी कोणाची हा मुद्दा उपस्थित झाला. या प्रकरणी निवडणूक आयोगाने बुधवारी (२६ जुलै) शरद पवार आणि आजित पवार यांच्या नेतृत्वाखालील राष्ट्रवादीच्या गटाला नोटीस बजावली आहे. अजित पवार यांच्या गटाने दाखल केलेल्या याचिकेवर ही नोटीस बजावण्यात आली आहे. या प्रकरणावर आमदार रोहित पवार यांनी प्रतिक्रिया दिली आहे. 'गेल्या काही वर्षांमध्ये निवडणूक आयोग सत्तेतील लोकांची बाजू घेते, असं सामान्य लोकांचं मत झालं आहे. निवडणूक आयोगाने नोटीस बजावली असून ती एक प्रक्रिया आहे. ती पूर्ण करत असताना दोन्ही बाजुचे गट ताकद लावतील आणि युक्तीवादही होईल, पण, निवडणूक आयोग कोणाच्या बाजुने निर्णय देईल, याचा अंदाज सर्वांना आहे', असंही रोहित पवार म्हणालेत. 'आम्ही न्यायालयात लढाई लढू. पण, येत्या काळात लढत असताना चिन्ह राहिलं नाही, तरी लोकांनाच विचारावे शरद पवार यांना कोणतं चिन्ह मिळालं पाहिजे. ते चिन्ह मिळाल्यानंतर लोकांना विश्वासात घे...

अधिवेशनाला दोन दिवसांची सुट्टी.... ! मोदींचा पुणे दौरा सुट्टीचं खरं कारण?

राज्यात पावसाने थैमान घातलं आहे. अनेक भागात नदी, नाले दुथडी भरून वाहत आहेत. अनेक भागांमध्ये पूरस्थिती निर्माण झाली आहे. राज्यात उत्तर महाराष्ट्र आणि मराठवाड्याचा काही भाग सोडला तर सर्वत्र पाऊस सुरू आहे. अतिवृष्टीमुळे राज्यातील शाळा आणि महाविद्यालयांना सुट्ट्या दिल्या जात आहेत. अशा स्थितीत महाराष्ट्राच्या यावेळच्या पावसाळी अधिवेशनाला ४ दिवसांचा ब्रेक देण्याचा निर्णय घेण्यात आला आहे. सर्व आमदारांना आपापल्या मतदारसंघात जाण्याच्या सूचना देण्यात आल्या आहेत. सोमवार आणि मंगळवारी (३१ जुलै आणि १ ऑगस्ट) विधिमंडळाचे सत्र न घेण्याचा निर्णय काल(गुरुवार)च्या कामकाज सल्लागार समितीच्या बैठकीत घेण्यात आला आहे. मात्र, पंतप्रधान नरेंद्र मोदी यांचा पुणे दौरा हे या सुट्टीचे खरे कारण असल्याची चर्चा आता राजकीय वर्तुळात रंगली आहे. राज्यात पूरसदृश्य परिस्थिती निर्माण झाल्याने लोकप्रतिनिधींची निश्चितच गरज भासणार आहे. अनेक ठिकाणी नुकसानाची पाहणी, तेथील पंचनामे आणि भरपाईचे दावे करणे गरजेचे आहे, म्हणून आमदारांनासाठी देखील मतदारसंघात आढावा घेणे महत्त्वाचे झाले आहे. पुरवणी मागण्या आणि नियोजन विधेयकाला मंजुरी ह...

कोल्हापूरकरांना दिलासा ! पुराच्या भीतीमुळे स्थलांतरित झालेल्यांना घरी जाण्याच्या सूचना..

दोन वर्षांपूर्वी कोल्हापूरमध्ये पुराने थैमान घातलं होतं. तशीच परिस्थिती उद्भवू नये, यासाठी प्रशासन सतर्क आहे. मागच्या दोन दिवसांमध्ये मुसळधार पावसाचा अंदाज वर्तवण्यात आल्याने पूरसदृश्य भागातून नागरिकांचे स्थलांतरित करण्यात आलेले होते. स्थलांतरित झालेल्या नागरिकांना उद्या सकाळपासून घरी जाण्यास प्रशासनाच्या वतीने सांगण्यात आलेले आहे. उद्या पावसाचा जोर कमी होणार असा अंदाज हवामान खात्याने दिला आहे. पंचगंगा नदीची पाणी पातळी एक-एक इंचाने वाढली असली तरी नागरिकांनी गोंधळून जाऊ नये, असं आवाहन पालकमंत्री दीपक केसरकर यांनी केलं आहे. ''सतर्कता म्हणून आम्हाला काही निर्णय घ्यावे लागतात. उद्यापासून जिल्ह्यातील सर्व शाळा पूर्ववत सुरू होतील. बालिंगा पूल हा एकेरी वाहतुकीसाठी सुरू करण्यात येणार असून मुलांच्या परीक्षा आहेत त्यांच्यासाठी वेगळी तारीख देण्यात येईल, मुलांच्या परीक्षेवर अभ्यासावर कोणताही परिणाम होणार नाही'' असं पालकमंत्र्यांनी म्हटलं आहे. विद्यार्थ्यांच्या परीक्षेचा निर्णय मुंबईसह राज्यात इतर ठिकाणी लागू असणार आहे. मुंबईत मोठ्या वादळी वाऱ्याची शक्यता आहे, त्यामुळे शाळांना सुट...

आज नाही, पण कधी ना कधी अजित पवार हे मुख्यमंत्री होतील; प्रफुल्ल पटेल यांचं विधान

मागील काही दिवसांपासून अजित पवार हे मुख्यमंत्री होणार अशा चर्चा सुरू होत्या. त्या चर्चेला काही प्रमाणात भाजपचे नेते देवेंद्र फडणवीस यांनी पूर्णविराम दिला आहे. आता प्रफुल पटेल यांनी देखील अजित पवार मुख्यमंत्री होणार का, यावर भूमिका स्पष्ट केली. प्रफुल्ल पटेल म्हणाले की, आमच्या पक्षाने काही दिवसांपूर्वी एनडीएमध्ये सहभाग घेतला आहे. त्यामुळे आम्ही सगळे ताकतीने पंतप्रधान नरेंद्र मोदी यांना तिसरी टर्म मिळवण्यासाठी लढणार आहोत.भारत जीडीपीमध्ये दहाव्या क्रमांकावरून पाचव्या क्रमांकावर आलेला आहे. येणाऱ्या पाच वर्षात तिसऱ्या क्रमांकावर येऊ शकतो असा विश्वास आहे. त्यासाठी एक स्थिर, चांगलं आणि विकासशील सरकारची गरज असल्याचं त्यांनी म्हटलं. अजित पवार मुख्यमंत्री होणार या चर्चेवर पटेल म्हणाले की, आज ती जागा रिकामी नाही. मग चर्चा कशाला करतात? अजित पवार नक्कीच महाराष्ट्राचे एक वजनदार आणि लोकप्रिय नेते आहेत. ते आमच्या पक्षाचे नेतृत्व आज नाही तर अनेक वर्षांपासून महाराष्ट्रात करत आलेले आहेत. काही नवीन गोष्ट नाही. कधी ना कधी काम करणाऱ्या माणसाला आज ना उद्या संधी मिळत असते, असंही त्यांनी नमूद केलं...

मणिपूरबाबत राहुल गांधींना दोषी ठरवण्याचा प्रयत्न, मोदींनी राजधर्म पाळावा; काँग्रेसने सुनावले

मणिपूरमधील हिंसाचारावरून सत्ताधारी मोदी सरकार आणि विरोधक आमनेसामने आल्याचे पाहायला मिळत आहे. मणिपूरमधील घटनेवरून विरोधक चांगलेच आक्रमक झाले आहेत. यातच केंद्रीय मंत्री स्मृती इराणी यांनी याला राहुल गांधी जबाबदार असल्याचे विधान केले असून, यावरून आता विरोधकांनी भाजप आणि मोदी सरकारवर टीकास्त्र सोडले आहे. राज्यातील काँग्रेस नेत्या यशोमती ठाकूर यांनी चोराच्या उलट्या बोंबा मारू नका, असे म्हणत स्मृती इराणी यांचा जाहीर निषेध केला आहे. विधिमंडळाच्या पावसाळी अधिवेशनात मीडियाशी बोलताना यशोमती ठाकूर आक्रमक झाल्या. महिला अत्याचाराच्या घटनांवर पक्षीय राजकारण करणाऱ्या स्मृती इराणी यांचा आम्ही जाहीर निषेध करत आहोत. मणिपूरच्या घटनेबाबत आम्ही पंतप्रधान नरेंद्र मोदी आणि स्मृती इराणी यांच्या मौनाबाबत प्रश्न विचारले. मणिपूर वर बोलणं टाळण्यासाठी आता भाजपने अतिशय खालच्या स्तरावर जाऊन राहुल गांधी यांना मणिपूर साठी जबाबदार धरण्याचा कांगावा सुरू केला आहे. काल महिला व बालविकास मंत्री स्मृती इराणी एखाद्या टीव्ही डिबेट किंवा पक्षाच्या सभेत असल्या सारख्या बोलल्या. त्यांचा राज्यसभेतील आवेश हा नळावरच्या भांडणासा...

..अन् सभागृहात देवेंद्र फडणवीस म्हणाले, ‘त्याला’ भररस्त्यात फाशी दिली पाहिजे

विधिमंडळाच्या पावसाळी अधिवेशनात आज विधानसभेत क्रांतीज्योती सावित्रीबाई फुले यांचा अपमान करणाऱ्याविरोधात संतप्त भूमिका सरकार आणि विरोधकांनी व्यक्त केल्या. सावित्रीबाईंचा अपमान करणाऱ्यांना मुसक्या बांधून आणले पाहिजे असं काँग्रेस नेते बाळासाहेब थोरात म्हणाले तर तुम्ही मुसक्या बांधण्याचे बोलता पण आमचे मत आहे भररस्त्यात त्याला फाशी दिली पाहिजे असं विधान उपमुख्यमंत्री देवेंद्र फडणवीस यांनी केले. उपमुख्यमंत्री देवेंद्र फडणवीस म्हणाले की, तुमच्या आणि माझ्या भावना कितीही तीव्र असल्या तरी आपल्याला कायद्याचे पालन केले पाहिजे. या प्रकरणात गुन्हा दाखल करण्यात आला आहे. ज्या वेबसाईटने हे शेअर केले त्यांच्यावरही कारवाई करण्यात आली आहे. सावित्रीबाईंविरोधात लिखाण करण्याचा सरकारमार्फत निषेध करतो. भारद्वाज स्पिक हे ट्विटर हँडल आहे. त्याबाबत ट्विटर इंडियालाही पत्र पाठवले आहे. पोलीस त्यांच्या संपर्कात आहेत. कुठल्याही परिस्थितीत या व्यक्तीला अटक केली जाईल. अलीकडच्या काळात जे डिजिटल पेपर आहेत. त्यात हे प्रसिद्ध झालेत. त्यांनाही नोटीस दिली आहे. काहीही झाले तरी क्रांतीज्योती सावित्रीबाई फुले आणि कुठल्याही...

राज्यपाल नामनियुक्त आमदारांचे सूत्र ठरले! भाजप, शिंदे गट, अजित पवार गटाला किती जागा मिळणार?

सर्वोच्च न्यायालयाने विधान परिषदेतील 12 राज्यपाल नामनियुक्त सदस्यांच्या नियुक्तीवरील स्थगिती उठविल्यानंतर राज्य सरकारकडून या नियुक्त्या तातडीने करण्याचा निर्णय घेण्यात आला आहे. त्यानुसार महायुतीने सदस्य संख्येचे सूत्र निश्चित केले असून भाजपच्या वाट्याला 6, तर मुख्यमंत्री एकनाथ शिंदे यांच्या शिवसेनेला 3 आणि उपमुख्यमंत्री अजित पवार यांच्या राष्ट्रवादी काँग्रेसला 3 जागा मिळणार असल्याची माहीती समोर आली आहे. विधिमंडळाच्या पावसाळी अधिवेशनाचे सूप वाजल्यानंतर तातडीने मुख्यमंत्री एकनाथ शिंदे यांच्या सहीने 12 सदस्यांची यादी राज्यपाल रमेश बैस यांना दिली जाईल, अशी माहिती 'साम टिव्ही'ने सूत्र्याच्या हवाल्याने दिली आहे. तत्कालीन मुख्यमंत्री उद्धव ठाकरेंच्या आघाडी सरकारने नोव्हेंबर २०२१मध्ये १२ राज्यपाल नामनियुक्त सदस्यांची यादी राजभवनाला दिली होती. मात्र तेव्हाचे राज्यपाल भगतसिंह कोश्यारी यांनी या यादीला मान्यता दिली नव्हती. त्यानंतर मुख्यमंत्री एकनाथ शिंदे यांनी ही यादी रद्द केली. मात्र यादरम्यान हे प्रकरण सर्वोच्च न्यायालयात गेले होते. सर्वोच्च न्यायालयाने ११ जुलैला ही स्थगिती उठवल्याने ...

.. तर पुढील १० वर्षात सरकारी शाळा बंद पडतील, संभाजीराजेंनी व्यक्त केली चिंता

राज्यातील जिल्हा परिषद शाळांची दयनीय अवस्था झाल्याची नेहमीच ओरडत असते. कुठे शाळेत विद्यार्थी नाहीत, कुठे शिक्षक नाहीत, कुठे शाळाच नाही, तर कुठे शाळेला जायला पावसाळ्यात रस्ताच नाही, अशा अनेक गंभीर समस्या आहेत. त्यातच, खासगी संस्थांचे वाढते बाजारीकरण आणि इंग्रजी माध्यमांच्या शाळांकडे विद्यार्थ्यांचा वाढलेला कल पाहाता जिल्हा परिषद शाळांचा प्रश्न गंभीर बनला आहे. त्यातच, छत्रपती संभाजीराजेंनी सरकारी शाळांबद्दल अतिशय गंभीर विधान केलं आहे. स्वराज्य संघटनेच्या माध्यमातून ते सध्या राज्यभर फिरत आहेत. त्यातून आलेले काही अनुभवही त्यांनी सांगितले. संभाजीराजेंनी राज्य सरकारच्या शैक्षणिक धोरणांवर टीका करताना सरकारी शाळांची झालेली दयनीय अवस्था याकडे लक्ष वेधले. खास रे चॅनेलच्या युट्यूबरला मुलाखत देताना संभाजीराजेंनी वेगवेगळ्या विषयांवर भाष्य केले. गड किल्ले संवर्धनासह शिक्षणावरही त्यांनी अनेक प्रश्न उपस्थित करत सरकारला लक्ष्य केलं. ज्या राजर्षी शाहू महाराजांनी प्राथमिक शिक्षण सक्तीचं आणि मोफत दिलं. शाहू महाराजांच्या कोल्हापूर संस्थानात शिक्षणावर २१ टक्के खर्च केला जात होता. आज अमेरिका ही शिक्षणाच...

"भारत जगात 'टॉप 3' मध्ये असेल याची गॅरंटी"; तिसऱ्या टर्मचा उल्लेख करत PM मोदींनी फुंकलं लोकसभेचं रणशिंग

लोकसभा २०२४ च्या सार्वत्रिक निवडणुकांचे वारे आता वाहायला लागले आहेत. काही दिवसांपूर्वी विरोधकांची एकजूट निश्चित झाली. त्यानंतर आता खुद्द पंतप्रधान नरेंद्र मोदी यांनीचं लोकसभा निवडणुकीचं रणशिंग फुकलं आहे. दिल्लीत जगातील सर्वात मोठ्या कन्व्हेन्शन सेंटरच्या उद्घाटन प्रसंगी ते बोलत होते. यावेळी त्यांनी आपल्या तिसऱ्या टर्मचा उल्लेख करत भारत जगातील टॉप ३ अर्थव्यवस्थांमध्ये असेल अशी गॅरंटी दिली. "मी देशाला हा देखील विश्वास देतो की तिसऱ्या टर्ममध्ये जगातील पहिल्या तीन अर्थव्यवस्थांमध्ये एक नाव भारताचं असेल. म्हणजेच तिसऱ्या टर्ममध्ये पहिल्या तीन अर्थव्यवस्थेत भारत गर्वानं उभा असेल. थर्ट टर्ममध्ये टॉप तीन अर्थव्यवस्थेत भारत पोहोचलेला असेल आणि ही मोदीची गॅरंटी आहे" अशा प्रकारे सलग तीन वेळेला आपल्या पंतप्रधानपदाच्या तिसऱ्या टर्मचा उल्लेख यावेळी पंतप्रधानांनी केला. जगातील सर्वात मोठं म्युझिअम उभारणार मी देशवासियांना याचाही विश्वास देऊ इच्छितो की, २०२४ नंतर माझ्या तिसऱ्या टर्ममध्ये देशाची विकास यात्रा आणखी वेगानं वाटचाल करेल, असंही पुढे मोदी म्हणाले. दिल्लीत याच ठिकाणी कर्तव्य पथाजवळ जग...

भाई जगतापांचा रुसवा फडणविसांनी काढला पण, विधानपरिषदेत निलम गोऱ्हे भडकल्या...

महाराष्ट्राचे पावसाळी अधिवेशन सुरू आहे. आज अधिवेशनाचा आठवा दिवस आहे. विरोधक आणि सत्ताधारी अनेक मुद्द्यांवर भांडताना दिसले. आज विधान परिषदेत चांगलाच गोंधळ झाला. सभागृहात भाई जगताप यांना निलम गोऱ्हे यांनी बोलू न दिल्याने मोठा राडा झाला. उपमुख्यमंत्री देवेंद्र फडणवीस यांनी भाई जगताप यांची समजूत काढत त्यांना बोलण्याची विनंती केली. तरी निलम गोऱ्हे यांच्या दिशेने हात करत भाई जगताप यांनी संतापाने आपलं म्हणणे मांडने टाळले. त्यामुळे सभागृहात गोंधळ निर्माण झाला होता. निलम गोऱ्हे यांच्यात खूप बदल झाला आहे. आता त्यांना जे काम दिलं आहे ते इमाने इतबारे करत आहेत, असा टोला भाई जगताप यांनी निलम गोऱ्हे यांना लगावला. यानंतर निलम गोऱ्हे देखील संतापल्या. मी कुणालाही जाणीवपूर्वक थांबवत नाही. माझं काम मी करत आहे. उगाच राजकिय शेरेबाजी करू नका. जाणीवपूर्वक मला बोललेले चालणार नाही. भाई जगताप तुम्ही एकटेच बोलतं बसा. मी माझे अधिकार वापरणार मी काही कमकुवत नाही, असे म्हणत निलम गोऱ्हे यांनी भाई जगताप यांना फटकारले. विधानसभेत देखील काँग्रेस आमदारांचा आक्रमक पवित्रा पाहायला मिळत आहे. ...

"हा तर फक्त ट्रेलर होता...", टोल फोडणाऱ्या पदाधिकाऱ्यांचे अमित ठाकरेंनी केले कौतुक

अमित ठाकरे यांची गाडी अडवून ठेवल्यामुळे संतप्त झालेल्या मनसे पदाधिकाऱ्यांनी समृद्धी महामार्गावरील टोलनाका फोडला अन् मनसे आणि भाजपा यांच्यात शाब्दित युद्ध रंगले. मनसे नेते सत्ताधारी भाजपावर सातत्याने टीका करत आहेत. अशातच टोलनाका फोडणाऱ्या मनसे पदाधिकारी, कार्यकर्त्यांचा अमित ठाकरे यांनी सत्कार केला आहे. तसेच समृद्धी महामार्गावरील टोलनाका फोडणाऱ्या पदाधिकाऱ्यांचे ठाकरेंनी तोंडभरून कौतुक केले. "जे काही झालं ते मुद्दामहून घडवून आणलं नाही, अनाकलनीय घडलं. प्रेमापोटी मी भेटायला आलो आणि त्यांचे अभिनंदन करायला आलो आहे. टोलबद्दल योग्य मेसेज द्यायला पाहिजे. बाऊन्सर टोलवर ठेऊन दादागिरी होत असून सामान्य लोकांना किती त्रास होत असेल याचा विचार व्हायला हवा. टोलच्याबाबत अनेक गोष्टी समोर आल्या आहेत. ठाणे, वाशी टोलनाक्यावर एक तास थांबावे लागते. रोडसाठी ८ ते १० टॅक्स वेगळे भरतो. मी येताना व्हिडीओ काढायला विसरलो. मी पदाधिकाऱ्यांचे अभिनंदन करायला इथे आलो आहे", असेही अमित ठाकरेंनी म्हटले. ते नाशिकमध्ये माध्यमांशी बोलत होते. हा तर फक्त ट्रेलर होता... तसेच हा तर फक्त ट्रेलर होता, वेळ आली तर पिक्चर...

माजी राज्यसभा खासदार विजय दर्डा-देवेंद्र दर्डा पिता पुत्रांना चार वर्षांचा कारावास; दिल्ली विशेष न्यायालयाचा निकाल

माजी राज्यसभा खासदार विजय दर्डा यांना दिल्लीच्या विशेष न्यायालयाकडून 4 वर्षांच्या तुरूंगवासाची शिक्षा सुनावण्यात आली आहे. दरम्यान विजय दर्डा यांचा मुलगा देवेंद्र दर्डा, M/S JLD यवतमाळ एनर्जी प्रायव्हेट लिमिटेडचे संचालक मनोज कुमार जयस्वाल यांनाही छत्तीसगडमधील कोळसा खाण वाटपातील अनियमिततेच्या प्रकरणात चार वर्षांच्या कारावासाची शिक्षा सुनावली आहे. तर न्यायालयाने माजी कोळसा सचिव एचसी गुप्ता, दोन ज्येष्ठ लोकसेवक केएस क्रोफा आणि केसी सामरिया यांना 3 वर्षांच्या तुरुंगवासाची शिक्षा सुनावली आहे. विजय दर्डा यांच्यासह सात जण या प्रकरणात दोषी ठरवले होते त्यानंतर आज या प्रकरणी शिक्षा सुनवण्यात आली आहे.

मुख्यमंत्री शिंदे यांचा तानाजी सावंत यांना मोठा धक्का..! तानाजी सावंतांच्या 150 कोटींच्या कामांना मुख्यमंत्र्यांची स्थगिती

पालकमंत्रीपद पण निधीच नाही, तानाजी सावंतांच्या 150 कोटींच्या कामांना मुख्यमंत्र्यांची स्थगिती एकनाथ शिंदे यांच्या शिवसेनेत निधीवरुन वाद निर्माण झाला आहे. पालकमंत्री डॉ. तानाजी सावंत हे शिंदे गटाच्या नेत्यांना डावलून भाजप आणि विरोधी पक्षातील पदाधिकाऱ्यांना अधिकचा निधी देत असल्याचा आरोप शिंदे गटाच्या पदाधिकाऱ्यांकडून करण्यात आला होता. तर मुख्यमंत्री एकनाथ शिंदे यांच्याकडे याबाबतची तक्रार देखील देखील करण्यात आली होती. या संपुर्ण प्रकरणानंतर मुख्यमंत्री शिंदे यांनी तानाजी सावंत यांना मोठा धक्का दिला आहे. सावंत यांनी मंजूर केलेल्या 150 कोटींच्या कामांना शिंदे यांनी स्थगिती दिल्याची माहीती समोर आली आहे. तानाजी सावंत यांच्या विरोधात त्यांच्याच शिवसेनेचे नेते उभे राहिले आहेत, पालकमंत्री असताना शिवसेनेला वगळून विरोधी पक्षांसह भाजपला सर्वाधिक निधी जिल्हा नियोजन समितीच्या माध्यमातून दिला असल्याचा आरोप त्यांच्यावर करण्यात आला आहे. त्यामुळे पालकमंत्र्यांनी मंजूर केलेल्या 150 कोटींच्या कामांना स्थगिती देण्याची मागणी शिवसेनेच्या नेत्यांनी मुख्यमंत्री एकनाथ शिंदे यांच्याकडे केल...

कसली मुलाखत, ही तर मळमळ; भाजपची उद्धव ठाकरेंवर जोरदार टीका

शिवसेना पॉडकास्टच्या माध्यमातून शिवसेना खासदार संजय राऊत यांनी शिवसेना उद्धव बाळासाहेब ठाकरे पक्षाचे नेते उद्धव ठाकरे यांची मुलाखत घेतली. या मुलाखतीत उद्धव ठाकरे यांनी चौफेर टीका करताना पंतप्रधान नरेंद्र मोदी आणि पाठिंत खंजीर खुपसण्याच्या दाव्यावर हल्लाबोल केला. याला भाजपकडून प्रत्युत्तर देण्यात आलं. भाजपचे मुंबई अध्यक्ष आशिष शेलार म्हणाले, महाराष्ट्राच्या जनमताशी ज्यांनी बेईमानी केली ते इमानदार कसे? कितीही मुलाखती दिल्या तरी बेईमानीचे ठसे पुसणार नाहीत. ही कसली मुलाखत...ही तर जळजळ, मळमळ आणि अपचनाचे करपट ढेकर. स्वतः चा पक्ष, सरकार न सांभाळ्याच्या "कलंका"तून बाहेर पडण्याची ही धडपड असल्याचंही शेलार यांनी म्हटलं. भरलेला डालड्याचा डबा उपयोगाला तरी येतो, रिकामा डबा टमरेल ठरतो! एक काळ मुलाखतीतून वंदनीय हिंदुहृदयसम्राट बाळासाहेब ठाकरे डागायचे ते असायचे काडतुस. हल्ली सगळं फडतूस, फडतूस आणि फडतूस अशा जहरी शब्दात शेलार यांनी ट्विट केलं. पाठित खंजीर खुपसण्याच्या मुद्दावर राष्ट्रवादीने काय केलं, असा प्रतिप्रश्न उद्धव ठाकरे यांनी भाजपला केला होता. उद्धव ठाकरे यांनी भाजपकडून आयोजित करण्यात आ...

'गेंड्याच्या कातडीपेक्षा निगरगट्ट कातडी राजकारण्यांची झालीय' ; उद्धव ठाकरें

राज्यात आणि देशात सुरू असलेल्या राजकीय परिस्थितीवर भाष्य करताना शिवसेना पक्षप्रमुख उद्धव ठाकरेंनी मोठी खंत व्यक्त केली. ज्या पद्धतीने राजकीय कुरघोड्या, पक्ष फोडाफोड्या सुरू आहेत, ती महाराष्ट्राची राजकीय संस्कृती आणि वारसा नाही. ईर्शाळवाडीत मोठी दुर्घटना घडली असताना मुख्यमंत्री तातडीने दिल्लीवारी करतात, दिल्लीत मुजरा मारायला जातात. इर्शाळवाडीत एकीकडे मृतदेह बाजुला काढायचे काम सुरू असताना हे दिल्लीत जाऊन काय करतात, असा सवालही उद्धव ठाकरेंनी उपस्थित केला. उद्धव ठाकरेंनी सामनाचे संपादक संजय राऊत यांच्यासोबत पॉडकास्ट सदरमध्ये सहभाग घेतला. यावेळी, राज्यातील आणि देशातील राजकारणावर भाष्य केलं. तसेच, शिवसेनेतील फूट आणि महायुती सरकावरही ते बोलले. यावेळी, सध्याच्या राजकीय वातावरणाबद्दल आणि राजकारण्यांबद्दल बोलताना त्यांनी खंत व्यक्त केली. राज्यात ईर्शाळवाडीची दुर्घटना घडली असताना मुख्यमंत्री दिल्लीत जातात, तिकडे मणीपूरमधील महिलेची विवस्त्र धिंड काढण्यात येते, या घटनेवरुन देशभरात तीव्र संताप व्यक्त केला जातो. मे महिन्यात घडलेली ही घटना आत्ता व्हिडिओच्या माध्यमातून समोर आली. तशीच आणखी एक घटना ...

मोदींना ३६ पक्षांची गरज काय? ED-CBI-IT पुरेसं; उद्धव ठाकरेंचा एनडीएवर हल्लाबोल..

आगामी लोकसभा निवडणुकीसाठी विरोधकांनी 'इंडिया' नावाची आघाडी स्थापन केली. त्याचदिवशी केंद्रातील मोदी सरकारने अनेक वर्षांनंतर एनडीएची बैठक बोलवली होती. या बैठकीत एनडीएचे ३८ राजकीय पक्ष सोबत आले होते. यावर उद्धव ठाकरे यांनी जोरदार हल्लाबोल केला. उद्धव ठाकरे म्हणाले की, गेल्या आठवड्यात बऱ्याच वर्षानंतर एनडीए नावाचा अमिबा जिवंत आहे हे कळलं. देशभक्त विरोधकांनी तयार केलेल्या इंडिया नावाच्या आघाडीला उत्तर देण्यासाठी पंतप्रधानांना आठवणीतील गोष्टी आठवल्या. त्यासाठी त्यांनी एनडीएतील ३६ पक्षांची जेवणावळ घातली. खरं तर ३६ पक्षांची गरज नाही. त्यांच्या ईडी, इन्कमटॅक्स आणि सीबीआय तीन पक्ष मजबूत आहेत. अनेक पक्षांचा एकही खासदार नाही. आपल्यातले काही गद्दार तिकडे गेलेले आहेत. त्यामुळे खऱ्या अर्थाने एनडीएमध्ये तीनच पक्ष शिल्लक राहिलेले आहेत, असंही उद्धव यांनी म्हटलं. उद्धव ठाकरे यांनी समृद्धी महामार्गावरील अपघातावरही भाष्य केलं. त्या अपघातातील मृतांच्या चिता पेटलेल्या असताना हे शपथविधी करत होते. संवेदनाच राहिल्या नाही. यावर प्रतिक्रिया देण्यास शब्दच नाही. आता शेवटची आशा राहिली ती जनतेकडूनच. हे देश ...

प्लास्टर ऑफ पॅरिसच्या मूर्तींवर बंदी उठवली..

यंदाच्या गणेशोत्सवासाठी प्लास्टर ऑफ पॅरिसच्या मूर्ती बनवायला कोणतीही बंदी नाही, मात्र या मूर्तींचं विसर्जन कृत्रिम तलावातच करावं, असं आवाहन मंत्री दीपक केसरकर यांनी आज विधानपरिषदेत केलं. यासाठी कृत्रिम तलावांची पुरेशी सोय प्रशासनामार्फत करण्यात येईल, असं त्यांनी सांगितलं. प्लास्टर ऑफ पॅरिसच्या मूर्तींवर सरसकट बंदी घालू नये, यामुळं मूर्ती तयार करण्याच्या व्यवसायावर अवलंबून असलेल्यांना फटका बसत आहे, अशी मागणी शेकापचे जयंत पाटील यांनी लक्षवेधी सुचनेद्वारे केली होती, त्याला केसरकर उत्तर देत होते. मूर्तींवर वापरल्या जाणाऱ्या रंगांसंदर्भात मार्गदर्शक सूचना जारी करण्यात येतील, असंही केसरकर यांनी यावेळी सांगितलं.

"आम्हाला गोव्याला घेऊन जा...", परबांची मागणी? निलम गोऱ्हे म्हणाल्या तुम्ही रिसॉर्ट सुचवा...

राज्याचे पावसाळी अधिवेशन सुरु आहे. अधिवेशनाचा आज सातवा दिवस आहे. आज विधानपरिषदेत चांगलाच गोंधळ झाला. राज्याचे शिक्षणाधिकारी यांच्या विभागीय चौकशीबाबत अब्दुल्ला खान दुर्रानी यांनी प्रश्न उपस्थित केला होता. यावर चर्चा करतांना परब आणि केसरकर यांच्यात टोलेबाजी झाली. यावर उपसभापती निलम गोऱ्हे यांनी देखील वक्तव्य केले. शिक्षणमंत्री दिपक केसरकर यांनी अब्दुल्ला खान दुर्रानी यांच्या प्रश्नाला उत्तर दिले. मात्र उत्तरात समाधानी न झालेल्या आमदारांनी स्वतंत्र बैठक घेण्याची मागणी केली. त्यावर अनिल परब यांनी सूचना करताना केसरकर यांना चिमटा काढाला. ही बैठक गोवा- सिंधुदुर्ग घेण्यात यावी. मागे देखील आपण काही आमदारांची त्या ठिकाणी व्यवस्था केली होती. हे आम्हाला माहित आहे. आता आम्हालाही घेऊन जावा आणि आमच्याही शंकेचे निरासन करावे असा चिमटा काढला. निलम गोऱ्हे यांनी सर्व आमदारांचे मते जाणून घेतले. यावेळी अनिल परब सतत हात वर करत होते. यावेळी निलम गोऱ्हे म्हणाल्या, परब तुम्हाला बैठकीला जायचे आहे का?, त्यावर परब म्हणाले माझी सुचना आहे. परब म्हणाले तुमचा अभ्यास असेल तुम्ही रिसॉर...

नाशिक मुंबई वाहतूक कोंडी वरून थोरातांचा भुजबळांना चिमटा; म्हणाले...