अजित पवार गटाची मोठी घोषणा; “आम्ही जयंत पाटलांना प्रदेशाध्यक्षपदावरून मुक्त करत आहोत” कार्यकारी अध्यक्ष प्रफुल्ल पटेल यांची कारवाई..




  राष्ट्रवादीच्या फूटीनंतर पक्षांतर्गत अनेक बदल केले जात आहेत. राष्ट्रवादीचे प्रदेशाध्यक्ष जयंत पाटील यांनी अजित पवारांसह नऊ जणांवर शिस्तभंगाची कारवाई केल्यानंतर राष्ट्रवादीचे कार्यकारी अध्यक्ष प्रफुल्ल पटेल यांनी जयंत पाटलांविरोधातच खेळी केली आहे. आज पत्रकार परिषेदत घेऊन त्यांनी ही माहिती दिली.

जयंत पाटील हे राष्ट्रवादीचे प्रेदशाध्यक्ष होते. तर, प्रफुल्ल पटेल हे राष्ट्रवादीचे कार्यकारी अध्यक्ष आहेत. त्यामुळे अजित पवारांसह गेलेल्या प्रफुल्ल पटेलांनी जयंत पाटलांचं प्रदेशाध्यक्षपद काढून घेतलं आहे. त्याऐवजी राष्ट्रवादीचे नवे प्रदेशाध्यक्ष म्हणून सुनिल तटकरे यांची नियुक्ती केली आहे.

प्रफुल्ल पटेल काय म्हणाले?

“संघटनात्मक नियुक्ती माझ्या माध्यमातून जाहीर केली होती. त्या अनुषंगाने महाराष्ट्रात जयंत पाटील यांची आम्ही नियुक्ती केली होती. संघटनात्मक निवडणुका झाल्यानंतर एक तत्काळ व्यवस्था असावी त्या हिशोबाने महाराष्ट्र प्रदेशाचे अध्यक्षपद दिले होते. त्यांच्या जबाबदारीतून आम्ही त्यांना मुक्त करतो. आणि त्यांच्या जागेवर सुनिल तटकरे यांची महाराष्ट्र राष्ट्रवादी काँग्रेस पक्षाच्या अध्यक्षपदी नियुक्ती करतोय”, अशी माहिती प्रफुल्ल पटेल यांनी दिली.

अजित पवारांनी २ जुलै रोजी राजभवनात उपमुख्यमंत्री पदाची शपथ घेतली. राष्ट्रवादीत असणारे विरोधी बाकावर बसलेले अजित पवार उपमुख्यमंत्री झाल्याने सर्वांनाच आश्चर्याचा धक्का बसला. राष्ट्रवादीतील काही आमदारांना आपल्या सोबत घेऊन अजित पवारांनी राष्ट्रवादीत फूट पाडली आहे. त्यामुळे राज्यात राजकीय नाट्य घडत आहे. या पार्श्वभूमीवर पक्षविरोधी कारवाया केल्याने राष्ट्रवादीचे जयंत पाटील यांनी अजित पवारांसह नऊ आमदारांवर शिस्तभंगाची कारवाई केली आहे. परंतु, याला पलटवार म्हणून राष्ट्रवादीचे कार्यकारी अध्यक्ष असलेल्या प्रफुल्ल पटेलांनी त्यांचं प्रदेशाध्यक्ष पदच रद्द केलं आहे.

Comments

Post a Comment

Popular posts from this blog

CM शिंदेंसह, अजित पवारांची शहांसोबत चर्चा ; पुण्यात मध्यरात्रीपर्यंत नेत्यांमध्ये खलबतं..

Image
  केंद्रीय गृहमंत्री अमित शाह काल (शनिवार) संध्याकाळी पुण्यात दाखल झाले आहेत. आज ते पिंपरी-चिंचवड येथील मोरे सभागृहात आयोजित करण्यात आलेल्या एका कार्यक्रमाला उपस्थिती लावणार आहे. अमित शाह यांच्या कार्यक्रमाला मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस हे देखील हजर राहणार आहेत. अमित शाह यांच्या दौऱ्याच्या पार्श्वभूमीवर मुख्यमंत्री एकनाथ शिंदे, उपमुख्यमंत्री अजित पवार हे देखील पुण्यात आहेत. दरम्यान, राज्याचे मुख्यमंत्री एकनाथ शिंदे उपमुख्यमंत्री अजित पवार यांनी मध्यरात्रीपर्यंत अमित शहा यांच्यासोबत चर्चा केल्याची माहिती समोर आली आहे. 'जे डब्ल्यू मैरियट' हॉटेलमध्ये राज्यातील दोन्ही नेत्यांनी अमित शहा यांची भेट घेतली. यावेळी एक महत्वाची बैठक देखील पार पडल्याची माहिती समोर आली आहे. या बैठकीमध्ये राज्य मंत्रिमंडळाच्या तिसऱ्या विस्तारावर चर्चा झाल्याची शक्यता तर्तवण्यात आली आहे. गेल्या काही दिवसांमध्ये राज्याच्या राजकारणात अनेक घडामोडी घडल्या आहेत. अजित पवार आणि समर्थक आमदारांनी मंत्रीपदीची शपथ घेतली. त्यानंतर खातेवाटप झाले. मात्र, महायुती सर...
Read more

सरकारी रुग्णालयांत 15 ऑगस्टपासून सर्व वैद्यकीय सेवा मोफत; सरकारचा मोठा निर्णय

Image
  राज्यातील गरीब जनतेला ज्यांना केवळ सरकारी रुग्णालयांमध्येच उपचार घेणं परवडतं. त्यांसाठी एक दिलासादायक बातमी आहे. इथं येणाऱ्या रुग्णाला प्रत्येक वैद्यकीय सेवा मोफत उपलब्ध होणार आहे. आरोग्य मंत्री तानाजी सावंत यांनी याबाबत माहिती दिली आहे. १५ ऑगस्टपासून लाभ आरोग्य विभागाच्या माहितीनुसार, राज्याच्या सार्वजनिक आरोग्य विभागाच्या सर्व शासकीय रुग्णालयात रुग्णांना देण्यात येणाऱ्या सर्व प्रकारच्या वैद्यकीय सेवा निःशुल्क उपलब्ध होणार आहेत. येत्या स्वातंत्र्यदिनी अर्थात १५ ऑगस्टपासून याचा लाभ रुग्णांना घेता येणार आहे. आरोग्य मंत्र्यांचा पाठपुरावा आर्थिक दुर्बल घटकातील नागरिकांना निःशुल्क उपचार मिळावेत यासाठी आरोग्य मंत्री तानाजी सावंत यांनी सातत्यानं पाठपुरावा केला होता, अशी माहिती विभागाकडून देण्यात आली आहे.
Read more

Breaking-:मनी लाँड्रिंग प्रकरणात माजी मंत्री नवाब मलिक यांना अखेर जामीन मंजूर..

Image
  मनी लाँड्रिंग प्रकरणात महाराष्ट्राचे माजी मंत्री नवाब मलिक यांना वैद्यकीय कारणास्तव सर्वोच्च न्यायालयाने दोन महिन्यांसाठी जामीन मंजूर केला. वैद्यकीय कारणास्तव जामीन देण्यास ईडीने हरकत घेतली नाही. फेब्रुवारी २०२२ मध्ये अटक झाल्यापासून मलिक तुरुंगात आहे. महाविकास आघाड सत्तेत असतानाच मलिक कारागृहात गेले होते. त्यावेळी ते सातत्याने भाजपवर टीका करत होते. तसेच भाजपने देखील मलिक यांना अनेकदा देशद्रोही म्हटलं होतं. मात्र राष्ट्रवादी काँग्रेसचा एक गट फुटून सत्तेत गेल्यापासून मलिक यांच्या कारागृहातून बाहेर येण्याच्या चर्चा सुरू झाल्या होत्या. मात्र मलिक शरद पवार गटात जाणार की, अजित पवार हे अनिश्चित होतं. दरम्यान ईडीने सर्वोच्च न्यायालयात मलिक यांच्या वैद्यकीय कारणास्तव दाखल केलेल्या जामीन अर्जाला हरकत घेतली नाही. त्यामुळे मलिक यांना दोन महिन्यांसाठी जामीन मंजूर करण्यात आला आहे.
Read more