''नरेंद्र मोदी अन् शरद पवार चांगले मित्र, महाराष्ट्राच्या प्रश्नासाठी दोघांनी...'' शिंदे गटाची प्रतिक्रिया चर्चेत


 कालपासून दोनदा अजित पवार गटाने शरद पवारांची भेट घेतली. या भेटीत अजित पवार गटाने शरद पवारांना एकत्रित काम करण्यासंदर्भात मनधरणी केली. मात्र शरद पवारांनी अद्याप मौन बाळगलेलं आहे. राष्ट्रवादीतल्या नाट्यमय घडामोडींवर शिंदे गटाने प्रतिक्रिया दिली आहे.शिंदे गटाचे मंत्री दीपक केसरकर म्हणाले की, शरद पवार जेष्ठ नेते आहेत. त्यांचा आशीर्वाद घेण्यासाठी आमदार गेले असतील तर त्यात वाईट काय आहे. राष्ट्रवादीचं मनोमिलन व्हावं ही आमची इच्छा आहे. मोदी साहेब आणि पवार साहेब चांगले मित्र आहेत, महाराष्ट्राच्या प्रश्नासाठी दोघांनी एकत्र यावे ही इच्छा असल्याचं केसरकर म्हणाले.

काल अचानक अजित पवार गटाचे मंत्री आणि काही नेते शरद पवारांच्या भेटीसाठी वायबी सेंटरमध्ये पोहोचले होते. या बैठकीनंतर प्रफुल्ल पटेल यांनी शरद पवारांना सोबत काम करण्याची विनंती केल्याचं स्पष्ट केलं होतं. त्यानंतर जयंत पाटील यांनीही फुटीर गटाने दिलगिरी व्यक्त केल्याचं सांगून ते पक्षात परत आले तर आनंदच होईल, अशी भूमिका मांडली.

मात्र पवार काहीही बोलले नव्हते. त्यानंतर झालेल्या राष्ट्रवादी युवक काँग्रेसच्या कार्यक्रमात शरद पवारांनी पुरोगामी विचारांसोबत पुढे जाण्यासंदर्भात भाष्य केलं. त्यामुळे राष्ट्रवादीत नेमकं काय सुरुय, हे अद्याप स्पष्ट होत नाहीये.

आज पुन्हा अजित पवार गटाच्या आमदार, नेत्यांनी शरद पवारांची भेट घेतली. काल काही आमदार मतदारसंघात होते, त्यामुळे शरद पवारांचे आशीर्वाद घेता आले नव्हते. आज त्यांनी आशीर्वाद घेतले. पवार साहेबांना पुन्हा सोबत काम करण्यासंबंधी विनंती केल्याचं प्रफुल्ल पटेल यांनी यावेळी सांगितलं.

Comments

Post a Comment

Popular posts from this blog

CM शिंदेंसह, अजित पवारांची शहांसोबत चर्चा ; पुण्यात मध्यरात्रीपर्यंत नेत्यांमध्ये खलबतं..

Image
  केंद्रीय गृहमंत्री अमित शाह काल (शनिवार) संध्याकाळी पुण्यात दाखल झाले आहेत. आज ते पिंपरी-चिंचवड येथील मोरे सभागृहात आयोजित करण्यात आलेल्या एका कार्यक्रमाला उपस्थिती लावणार आहे. अमित शाह यांच्या कार्यक्रमाला मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस हे देखील हजर राहणार आहेत. अमित शाह यांच्या दौऱ्याच्या पार्श्वभूमीवर मुख्यमंत्री एकनाथ शिंदे, उपमुख्यमंत्री अजित पवार हे देखील पुण्यात आहेत. दरम्यान, राज्याचे मुख्यमंत्री एकनाथ शिंदे उपमुख्यमंत्री अजित पवार यांनी मध्यरात्रीपर्यंत अमित शहा यांच्यासोबत चर्चा केल्याची माहिती समोर आली आहे. 'जे डब्ल्यू मैरियट' हॉटेलमध्ये राज्यातील दोन्ही नेत्यांनी अमित शहा यांची भेट घेतली. यावेळी एक महत्वाची बैठक देखील पार पडल्याची माहिती समोर आली आहे. या बैठकीमध्ये राज्य मंत्रिमंडळाच्या तिसऱ्या विस्तारावर चर्चा झाल्याची शक्यता तर्तवण्यात आली आहे. गेल्या काही दिवसांमध्ये राज्याच्या राजकारणात अनेक घडामोडी घडल्या आहेत. अजित पवार आणि समर्थक आमदारांनी मंत्रीपदीची शपथ घेतली. त्यानंतर खातेवाटप झाले. मात्र, महायुती सर...
Read more

सरकारी रुग्णालयांत 15 ऑगस्टपासून सर्व वैद्यकीय सेवा मोफत; सरकारचा मोठा निर्णय

Image
  राज्यातील गरीब जनतेला ज्यांना केवळ सरकारी रुग्णालयांमध्येच उपचार घेणं परवडतं. त्यांसाठी एक दिलासादायक बातमी आहे. इथं येणाऱ्या रुग्णाला प्रत्येक वैद्यकीय सेवा मोफत उपलब्ध होणार आहे. आरोग्य मंत्री तानाजी सावंत यांनी याबाबत माहिती दिली आहे. १५ ऑगस्टपासून लाभ आरोग्य विभागाच्या माहितीनुसार, राज्याच्या सार्वजनिक आरोग्य विभागाच्या सर्व शासकीय रुग्णालयात रुग्णांना देण्यात येणाऱ्या सर्व प्रकारच्या वैद्यकीय सेवा निःशुल्क उपलब्ध होणार आहेत. येत्या स्वातंत्र्यदिनी अर्थात १५ ऑगस्टपासून याचा लाभ रुग्णांना घेता येणार आहे. आरोग्य मंत्र्यांचा पाठपुरावा आर्थिक दुर्बल घटकातील नागरिकांना निःशुल्क उपचार मिळावेत यासाठी आरोग्य मंत्री तानाजी सावंत यांनी सातत्यानं पाठपुरावा केला होता, अशी माहिती विभागाकडून देण्यात आली आहे.
Read more

Breaking-:मनी लाँड्रिंग प्रकरणात माजी मंत्री नवाब मलिक यांना अखेर जामीन मंजूर..

Image
  मनी लाँड्रिंग प्रकरणात महाराष्ट्राचे माजी मंत्री नवाब मलिक यांना वैद्यकीय कारणास्तव सर्वोच्च न्यायालयाने दोन महिन्यांसाठी जामीन मंजूर केला. वैद्यकीय कारणास्तव जामीन देण्यास ईडीने हरकत घेतली नाही. फेब्रुवारी २०२२ मध्ये अटक झाल्यापासून मलिक तुरुंगात आहे. महाविकास आघाड सत्तेत असतानाच मलिक कारागृहात गेले होते. त्यावेळी ते सातत्याने भाजपवर टीका करत होते. तसेच भाजपने देखील मलिक यांना अनेकदा देशद्रोही म्हटलं होतं. मात्र राष्ट्रवादी काँग्रेसचा एक गट फुटून सत्तेत गेल्यापासून मलिक यांच्या कारागृहातून बाहेर येण्याच्या चर्चा सुरू झाल्या होत्या. मात्र मलिक शरद पवार गटात जाणार की, अजित पवार हे अनिश्चित होतं. दरम्यान ईडीने सर्वोच्च न्यायालयात मलिक यांच्या वैद्यकीय कारणास्तव दाखल केलेल्या जामीन अर्जाला हरकत घेतली नाही. त्यामुळे मलिक यांना दोन महिन्यांसाठी जामीन मंजूर करण्यात आला आहे.
Read more