"माझा अंदाज चुकला, तुम्हाला त्रास झाला"; भुजबळांवर निशाणा साधत पवारांनी मागितली येवलेकरांची माफी

 राष्ट्रवादीच्या फुटीनंतर शरद पवारांनी पहिली सभा छगन भुजबळांच्या येवला मतदारसंघात घेतली. या सभेत त्यांनी भुजबळांवर सडकून टीका केली. माझा अंदाज चुकला, तुम्हाला त्रास झाला याची मी माफी मागतो अशा शब्दांत त्यांनी येवलेकरांना भावनिक साद घालण्याचा प्रयत्न केला.पवार म्हणाले, महाराष्ट्रात या जिल्ह्यानं अनेक वर्षे पुरोगामी विचारांना साथ दिली. या नाशिकमधील शेतकरी, कष्टकरी, आदिवासी, दुष्काळी भागातील शेतकरी असेल त्यांनी कधी सत्याची साथ सोडली नाही. इथल्या लोकांना आम्ही दिल्लीत जाण्याची संधी दिली. भक्कम विश्वासाच्या मतदारसंघाची आम्हाला आवश्यकता होती, त्यामुळं आम्ही येवल्याची निवड केली. मी दिलेली नावं कधी चुकली नाहीत पण एका नावानं घोटाळा झाला. माझा अंदाज कधी चुकत नाही पण इथं माझा अंदाज चुकला. माझ्या निर्णयावर तुम्ही विश्वास ठेवला, त्यामुळं त्यामुळं जर त्रास झाला असेल तर मी तुमची माफी मागितली पाहिजे. त्यामुळेच मी इथं आलो आहे.

वयाचा उल्लेख कराल तर महागात पडेल...

अजित पवार  यांच्या बंडानंतर शरद पवार यांच्या वयावरुन चांगलाच वाद रंगला होता. अजित पवार यांनी शरद पवार यांच्या वयाचा उल्लेख करत टीका केली होती. त्याचाही शरद पवार यांनी समाचार घेतला. काहीही बोला पण वयाचा उल्लेख महागात पडेल.." असा थेट इशारा त्यांनी टीका करणाऱ्यांना दिला.

पंतप्रधान नरेंद्र मोदींवर हल्लाबोल...

यावेळी बोलताना शरद पवार यांनी पंतप्रधान नरेंद्र मोदी (Narendra Modi) यांच्यावर जोरदार हल्लाबोल केला. "पंतप्रधान नरेंद्र मोदी यांनी आमच्या पक्षावर, सहकाऱ्यांवर अनेक आरोप केले. जर असे काही असेल तर तुमची सगळी ताकद वापरा आणि आणि चौकशी करा. त्यासाठी आमचा सर्वांचा पाठिंबा राहिल; आणि दोषींना कडक शिक्षा करा.." अशी खोचक टीका यावेळी त्यांनी केली. 

Comments

Post a Comment

Popular posts from this blog

CM शिंदेंसह, अजित पवारांची शहांसोबत चर्चा ; पुण्यात मध्यरात्रीपर्यंत नेत्यांमध्ये खलबतं..

Image
  केंद्रीय गृहमंत्री अमित शाह काल (शनिवार) संध्याकाळी पुण्यात दाखल झाले आहेत. आज ते पिंपरी-चिंचवड येथील मोरे सभागृहात आयोजित करण्यात आलेल्या एका कार्यक्रमाला उपस्थिती लावणार आहे. अमित शाह यांच्या कार्यक्रमाला मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस हे देखील हजर राहणार आहेत. अमित शाह यांच्या दौऱ्याच्या पार्श्वभूमीवर मुख्यमंत्री एकनाथ शिंदे, उपमुख्यमंत्री अजित पवार हे देखील पुण्यात आहेत. दरम्यान, राज्याचे मुख्यमंत्री एकनाथ शिंदे उपमुख्यमंत्री अजित पवार यांनी मध्यरात्रीपर्यंत अमित शहा यांच्यासोबत चर्चा केल्याची माहिती समोर आली आहे. 'जे डब्ल्यू मैरियट' हॉटेलमध्ये राज्यातील दोन्ही नेत्यांनी अमित शहा यांची भेट घेतली. यावेळी एक महत्वाची बैठक देखील पार पडल्याची माहिती समोर आली आहे. या बैठकीमध्ये राज्य मंत्रिमंडळाच्या तिसऱ्या विस्तारावर चर्चा झाल्याची शक्यता तर्तवण्यात आली आहे. गेल्या काही दिवसांमध्ये राज्याच्या राजकारणात अनेक घडामोडी घडल्या आहेत. अजित पवार आणि समर्थक आमदारांनी मंत्रीपदीची शपथ घेतली. त्यानंतर खातेवाटप झाले. मात्र, महायुती सर...
Read more

सरकारी रुग्णालयांत 15 ऑगस्टपासून सर्व वैद्यकीय सेवा मोफत; सरकारचा मोठा निर्णय

Image
  राज्यातील गरीब जनतेला ज्यांना केवळ सरकारी रुग्णालयांमध्येच उपचार घेणं परवडतं. त्यांसाठी एक दिलासादायक बातमी आहे. इथं येणाऱ्या रुग्णाला प्रत्येक वैद्यकीय सेवा मोफत उपलब्ध होणार आहे. आरोग्य मंत्री तानाजी सावंत यांनी याबाबत माहिती दिली आहे. १५ ऑगस्टपासून लाभ आरोग्य विभागाच्या माहितीनुसार, राज्याच्या सार्वजनिक आरोग्य विभागाच्या सर्व शासकीय रुग्णालयात रुग्णांना देण्यात येणाऱ्या सर्व प्रकारच्या वैद्यकीय सेवा निःशुल्क उपलब्ध होणार आहेत. येत्या स्वातंत्र्यदिनी अर्थात १५ ऑगस्टपासून याचा लाभ रुग्णांना घेता येणार आहे. आरोग्य मंत्र्यांचा पाठपुरावा आर्थिक दुर्बल घटकातील नागरिकांना निःशुल्क उपचार मिळावेत यासाठी आरोग्य मंत्री तानाजी सावंत यांनी सातत्यानं पाठपुरावा केला होता, अशी माहिती विभागाकडून देण्यात आली आहे.
Read more

Breaking-:मनी लाँड्रिंग प्रकरणात माजी मंत्री नवाब मलिक यांना अखेर जामीन मंजूर..

Image
  मनी लाँड्रिंग प्रकरणात महाराष्ट्राचे माजी मंत्री नवाब मलिक यांना वैद्यकीय कारणास्तव सर्वोच्च न्यायालयाने दोन महिन्यांसाठी जामीन मंजूर केला. वैद्यकीय कारणास्तव जामीन देण्यास ईडीने हरकत घेतली नाही. फेब्रुवारी २०२२ मध्ये अटक झाल्यापासून मलिक तुरुंगात आहे. महाविकास आघाड सत्तेत असतानाच मलिक कारागृहात गेले होते. त्यावेळी ते सातत्याने भाजपवर टीका करत होते. तसेच भाजपने देखील मलिक यांना अनेकदा देशद्रोही म्हटलं होतं. मात्र राष्ट्रवादी काँग्रेसचा एक गट फुटून सत्तेत गेल्यापासून मलिक यांच्या कारागृहातून बाहेर येण्याच्या चर्चा सुरू झाल्या होत्या. मात्र मलिक शरद पवार गटात जाणार की, अजित पवार हे अनिश्चित होतं. दरम्यान ईडीने सर्वोच्च न्यायालयात मलिक यांच्या वैद्यकीय कारणास्तव दाखल केलेल्या जामीन अर्जाला हरकत घेतली नाही. त्यामुळे मलिक यांना दोन महिन्यांसाठी जामीन मंजूर करण्यात आला आहे.
Read more