अमृत भारत स्टेशन योजनेच्या अंतर्गत परभणी रेल्वे स्थानक पुनर्विकासाच्या पायाभरणीचा उद्घाटन कार्यक्रमात भाजप आणि शिवसेना ठाकरे गटाचे खासदार यांच्या कलगीतुऱ्याने रंगला. मुख्य उद्घाटनापूर्वी झालेल्या जिल्ह्यातील स्थानिक पदाधिकाऱ्यांच्या मनोगतातून श्रेय वादाची लढाई अन् आगामी निवडणुकीची साखर पेरणीची संधी नेत्यांनी सोडली नाही. भाजपचे माजी महानगर जिल्हाध्यक्ष आनंद भरोसे यांनी पंतप्रधान नरेंद्र मोदींच्या कारकिर्दीचा आढावा घेत विकास कामांसाठी रेल्वे राज्यमंत्री रावसाहेब दानवे, केंद्रीय रस्ते मंत्री नितीन गडकरी यांनी परभणीकडे कधीही दुर्लक्ष केले नसल्याचे सांगितले. मागील लोकसभा, विधानसभेत परभणीला अपेक्षित निधी दिला. खासदार सुद्धा मोदींच्या लाटेतच निवडून आल्याचे भरोसे म्हणाले. हाच धागा पकडून खासदार संजय जाधव यांनी भाषणातून मी जर मोदी लाटेत निवडून आलो तर तुम्ही याच लाटेत कसे काय पडलात, असा प्रतिप्रश्न भरोसे यांना केला. मोदी आमचे म्हणून तुम्ही मोदींचे महत्त्व कमी करताय, त्यांना लहान बनवू नका, ते देशाचे पंतप्रधान असून सगळ्याचे आहेत. केवळ भाजपचे आणि तुमचे नाही असे बोलून खा. जाधव यांनी भरोसे यांच्य...
Comments
Post a Comment